Salah sangko

Pado pagi-pagi buto tadi, den dapek sms daripado salah soghang pomandu, dio kato eden kono buek incub dongannyo yang mano dijanjikan pado potang jumaat kemaghin, jadi eden tanyolah pado dio... ko mano kito.....KP kato dio.

Eden dah togamba kampong den. Tapi yang poleknyo tu jam saboleh baru jalan ka sanun, tak apolah den masuk opis dulu lah. Dalam kopalo otak den nak copek balik joooooo ado jalan ghasonyo. Ado satu rancangan di kepalo den ,bawak keto ikut dari bolakang dio bilo dah sampai di Senawang den samo dongan dio , itu cagho heeeeee.

Den pon boghi tau kek bos nombo duo, "Nampak eeeee eden balik potang dan malam lah niiii"

Jawab bos nombo duo " tak apo ekau punyo pasa malam pon tak apo." Dio tau tompek tu.

Bilo sampai jam saboleh pemandu tu tunggu den, den tanyo pado dio " jam beghapo leh balek"

Dio jawab  pado den jam duo boleh lah, Den tanyo lagi "Sampai sanun ko ? Dio jawab "Tak, poi balik (pergi-balik) lah..."

Ehhhhhh ekau jangan main- main dongan den, nak mampuih ko bawak lelaju. Ekau toghobang ko.......

"Eh apo lak cik cakap niiiii"  dokek yo tak sampai 20km yo di Jalan Pot Klang jooooo.

Laaaaaaaa ada namo KP kek sanun yoooooo. Den ingat kan di Kuala Pilah. Tu lah deee salah sangko ghupo eeeee