Kecek Kelate

Pokok dek kau lah nak kato apo, den tak ghoti bahaso kau. Macam itik ngan ayam yo. Kalu ekau ngumpek den pun den ingat ekau puji den.

BSCHKTS

Keto kuning den

Apo itu BSCHKTS?

Silo angkek tangan kok ado yang tau menjawab.

Den dah ajar apokah maknonyo istilah tu. Kono hapal boto-boto sobab eh, den nak tanyo dalam ujian. Den dah bagi soklan boco ni. Jangan lak tak baco nota.

Adopun BSCHKTS itu berkaitan dengan keselamatan jalan ghayo. Jiko kito mandu, semuo derio kono awas. Mato mandang, telingo mendonga. Kaki tangan pun samo. Minda jangan merayap jauh sampai Amerika.

Den teringat. Semalam tibo-tibo bini den mengadu. Dia mandu di Slim River. Tibo-tibo ado kilat. Dio sakit ati sobab dio mandu 80 kilo di lorong kiri. Apo pasal kono amik gamba lak? Glamour bona ko? Itu dio yang komplen kek den. Takdo tu, den kato. Barangkali kamera tu amik gamba keto lain.

Cito pasal kilat AES tu takdo kaitan dengan BSCHKTS. Tapi den puji gak la bini den sobab selalunyo dio mandu ngalahkan mat rempit. Semalam dio kato dio mandu perlahan, siap buleh amik gambar pemandangan dari dalam keto. Tah hapo-hapo, ikut suko ati dio yo. Jiko dio ghaso nak “mengembaro”, dia setat enjin keto, dio mintak izin den pastu dio jalan yo.

Banyaklah dio punyo mengembaro. Ado ko patut dio mengembaro sobab nak gi cari sireh pinang kek utaro nun. Macamlah kek Nogori Sombilan tu pinang sireh tak sodap. Polik bona. Bini camni pun ado. Dah tuo-tuo pun cam tu gak. Suko bona buat saprais (surprise). Nasib baiklah den ni takdo sakit jantung.

Tapi den totap setio, walaupun dio suruh den kawin laei. Emang polik bona bini den tu. Montang-montang den dah tuo. Kalu mudo, takdo do dio menawarkan den buko cawangan hahaha...

Sebonanyo, tak sompek den nak mikir bondo-bondo gitu. Kojo den sibuk. Lagi pun bini den tu oghang putih kato, “the best in town”. Kombang idung dio kalu baco apo den tulih ni...

Err...kembali semulo kepado soklan den tadi.

Apokah makno BSCHKTS?

Buko balik nota dan baco!

Den Ghajo Ulam!

Sojak belakangan ni, den selalu lotih yo ghaso. Ontah kenapo agak eh. Mungkin sobab den banyak makan apobilo den balik kek ghumah.

Den suko makan ulam raja cicah  ngan budu. Bak kato oghang tuo-tuo, mak metuo lalu belakang pun den tak sodar. Anak den pun goma makan budu. Tapi bini den yang cun tu  tak suko.

Timo kasihlah kek bini den!

Bini Den Dah Balik!

Janji dio nak balik kampong saminggu yo, tapi nampak gayo dah berlobih ari daripado yang dijanji.

Naik juling mato den mengiro ari kek kalenda.

Akhirnya dio pun balik kek umah. Bukan main suko ati den.

Dio nak buek saprais kek den, duk diam dalam bilik air. Konon eh nak bagi den tokojut. Hehehe...den dah masak ngan perangai bini den. Den tau dio mesti sembunyi kek mano-mano dalam umah tu.

Last2 dio tak tahan, lamo bona sembunyi...dio kuar sendiri  hehehe...

Sompek laie dio komplen kek den, "apo pasa abang tak caghi. Ponek den sembunyi kek sanun tu!"

Suko bona ati den bini den dah balik. Ghaso eh nak buek anaunsemen kek taman tu.

Bini den kato, pokok dek kau la atuk!

Bini Den Balik Kampung

Ari ni ati den sodih bona. Bini den nak balik kampong dio. Ado bondo nak kono buek kek kampong tu.

Maleh boto ghaso eh den nak gi opis. Nampak gayo den bersahur ngan megi dalam seminggu ni. Beghat hati den nak lopehkan dio naik keto api. ghaso nak kelua air mato den ni ha.

Tak po lah. Bukan lamo bona...

Musim Euro 2012 & Bini Den

Ado ko patut bini den koba an, musim oghang main bola ni dio macam teghaso kughang kasih sayang!

Nak buek camno laie, den memang goma tengok bola. Den bukan tak kesian dio tekobil-kobil tengok den jeghit kuek-kuek bilo si ronaldo tu jaringkan gol. Bini den diam yo. Apo baghang tengok bola sopan-sopan camtu. Oghang tengok bola dengan ponuh somangat, dio tengok macam tengok drama sodih!

Aduyai, sompat laie dio komen, pemain tu mesti malu sobab eh tak dapek jaghingkan gol. Pastu ado ko patut dio tanyo den soalan yang payah boto den nak jawab. Dio tanyo, "kalau tongah main kek padang tu, tibo-tibo ronaldo tu sakit poghot nak gi buang air, camno bang?"

Macam-macam la bini den ni. Macam ni punyo bini pun ado!

Tapi den tak kisah lah dio nak tanyo apo pun, sobab dio bini den. Lagipun dio kelaka.

Lagi kelaka bilo dio bagi soalan maut kek den.

"Mike Tyson tu main untuk pasokan mano, bang?"

Tesembo air yang tongah den minum!

Pokok dek kaulah. Janji bini den sayang amek kek den!

Bola dan Cinta

Trainer Ball

Kata orang, sakit akan menguji cinta!

Kalau kita sakit, kita akan cepat sembuh dengan adanya sokongan orang-orang di sekeliling kita. Namun jika kita sering mendengar keluhan, rungutan, kekerapan memandang jam, gelisah dan kelam kabut, semua itu menjadikan diri kita semakin tertekan.

Apabila ini berlaku, kita tahu bahawa cinta itu asli atau pun palsu!

Kita akan bersungguh-sungguh mengejar bola di padang dengan gema sorakan dan bunyi gendang. Kita mahu bola itu sentiasa berada di kaki kita. Lawan yang datang menerpa, kita hadapi bersungguh-sungguh, hinggakan ada yang jatuh dan tercedera. Pun kita tidak peduli. Kita tetap mahu bola itu.

Namun yang peliknya, mengapa apabila bola itu sudah menjadi milik kita, kita tendangnya jauh ke udara?

Begitulah perumpamaan cinta. Kita mengejar sementara belum dapat. Apabila sudah dapat, kita menendangnya pula jauh-jauh.

Mudah-mudahan kita tidak tergolong dalam golongan pemilik bola itu. Jika sudah ada kecenderungan, cepat-cepatlah kita menukar kepada permainan ragbi pula! Kita kejar bola dan kita peluk bersungguh-sungguh. Kita rela dibebani dengan tubuh-tubuh pemain yang menghimpit untuk merebut bola yang kita peluk.Namun untuk menyerahkan bola itu kepada mereka, tidak sama sekali.

Kepada para pemandu saya, bergembiralah dengan cinta yang asli. Hidup mesti gembira meskipun ribut melanda. Pemanduan akan lancar jika hati anda sentiasa dipenuhi rasa cinta.

Tetapi harus diingat, cinta kepada Allah tetap menduduki tempat pertama.

Lagu Kampong Den

Den goma lagu niiiii, Ghaso-ghaso nak balik jooo kek kampong. Apo dayo apo nak dikato, den kojo.
Satu hari nanti den buek senikato yang samo tapi den ubah suai tontang pemandu den lak.
Haiiii Ito den dah tiru lagu ekau....... Jangan marah yoooo oghang kampong den (teghuih ngaku sekampong lak aihhh). Jangan saman den yoooooo, bengkok den nak bayar nantiiiiiiiiii.

Oghang tuo cam den ni goma la lagu-lagu camni. Lagu lamo, lagu rakyat, lagu nasyid. Tapi den suko gak lagu Ice Ice Baby. Bukan apo, tingat zaman-zaman den mudo. Nak koba an, den maso muda maghin, ghupo den cam si Amy tu. Bukan Amy Mastura. Amy yang nyanyi lagu Isabella tu la. Kalu tak cayo gak, pokok dek kau la...

Seorang Lelaki Itu

Lelaki ini memang hebat.

Permato Malam Den

Den sayang amek kek bini den.

Sapo tak sayang bini. Walaupun bini den sakit, den pulak sebok sano sinun, tapi den totap pastikan kondisen bini den ok.

Namo dio pun bemaksud permato malam. Emang la dio permato ati den. Dio suko buek bondo polik-polik, tapi den suko sobab kelaka. Dio tak banyak cakap cam den. Yo la, dio oghang sastera. Bilo sembang-sembang tu, kekadang den pun tak ghoti dio cakap apo.

Bilo den susah ati mikir kondisen bini den, den doa banyak-banyak bia Allah sihatkan bini den cam sedio kalo.

Muzik-muzik

LOPEHKAN TENSEN DEN 

Bilo den dah ghaso totokan, den selalu buek lawak dan konokan pelateh den.... dio orang dah tau
 den selalu konokan dio. Beghati-ghatilah dio tuuuuuu.

Tak apo lah, ini ado satu den cubo lakukan.... jangan golakkan den yoooo den nak main gita lak....