Aduyai...den domam ngan batok lak ha.
Den buek in kab ngan budak dreba ni ko kemeren helan. Nak uji camano dio bawak, camano dio nak daki bukit tinggi camtu dongan cagho paling selamat. Jauh tuuuu.
Den buek kojo jauh-jauh tu ada sobab. Sobab ee bini ngan anak den yang kocik (tapi dio dah masuk unibesiti la) ke melako. ada mesorat tigo ari kek sanun. Anak den coti laie, minggu dopan ni dio mulo kuliah semulo.
Tapi potang ni den ghaso lain macam bona badan den ni. Domam lak dio. Paneh kepalo den. Batuk pun kok kemain kuek. Domam ghindu ko?
Ujung minggu ni anak den dah nak balik. Tingga la den ngan bini den beduo.
Gitula nasib oghang tuo cam den ni. Duk beduo, bini den ngunyah sighih, den isap rokok daun dopan pintu.
No comments:
Post a Comment